التقارير

ليش ركاب الدرجة الأولى نفسياتهم خايسة !!

يسعد صباحكم و يسعد مساكم و ايامكم و كل اوقاتكم??
موضوع مهم يستحق الواحد يسأل عنه !!
عندي سؤال ؟؟

 

ليش ركاب الدرجة الأولى ومرتادي صالات الفرسان نفسياتهم خايسة ومايسلمون على بعض ومكتمين وكل واحد نفسه برأس خشمه ??

ليييييييش التكلف الزايد هذا ??

 

حتى الأكل مايأكلون واذا جابوا العصير مايأخذون << ذابحهم الاتيكيت ?? ياخي كل لاتموت علينا ??

.
وعكسهم ركاب الدرجة السياحية ?? تحصل ضحكتهم شاقه وجهيهم ومبسوطين ويسولفون ويساعدون بعض ويأكلون الأخضر واليابس ??
بكل صراحة تحس انهم مسافرين ورايحين يغيرون جو .. من قبل يوصل المطار والضحكة والوناسة شاقتهم شق ??

.
ياأصحاب الملايين انبسطوا بلييييز .. والمهايطيه ياللي أول مرة تركبون درجة أولى انبسطوا واستانسوا ترى ماراح أحد يعطيك فلوس لأنك صرت اتيكيت ?? استمتعوا بالحياة وعيشوا أجواء السفر وابتسموا ??

.

اوك ركبت درجة اولى وناسة وكرسي واسع وخدمات حلوة بس مو موجود بالتذكرة انه لازم تكون مكشر .. واذا دخلت صالة الفرسان وانت جوعان كل عادي ترى مايخرب البرستيج ??

.
انا مو ضد الاتيكيت .. أنا ضد شوفة النفس من بعضهم واللي في غير محلها

 

اعداد : 

بدر العلي :

تويتر : https://twitter.com/badr__alali1400

انستقرام : https://instagram.com/Badr_Alali1400/

‫5 تعليقات

  1. الصراحة عاد مدري علي ايش فرحانين ركاب السياحية اللي من يصلون يسحبونها نومة بالفندق و نحن نكمل خرجتنا

    عاد انهم طول الرحلة متشنقلين بالسياحية و نايمين بس نومهم مابه راحة و غير يتكشفون و اشكال تضحك هههه

  2. كاتب الموضوع انا متبرعة اخذه معي عالفيرست كلاس و اعيشة جو الدلع و الراحة هاه وش قلت ماغير ترجع تغير رأيك ?

  3. احنا نعمة نشوف المطار حتى مكيفهم نحسه احلى و ليتهم يسلمون منا في السياحية نطلب اكل و كل شوي ندق عالمظيفة عطينا قهوة ، شاهي ، عصير ” خذي البزر غيري له ” غير اننا وقت الزنقة انطب في حمامات الدرجة الاولى بالدس هههههههه

  4. ههههههههههه
    والله صحيح اذا ركبت بزنس احس اني ماعرف نفسي وتجيني حالة من الاتكيت اللي ماله داعي وشوفة نفس وان الطيارة لابوي والباقين راكبين معي
    بالفعل مرض الدرجة الاوليى لابد من علاجة ، ولا يدخل الجنة من كان في قلبة ذرة من كبر
    الفرسان ماعاد صارت حكر على احد، ادخل بفلوسك ومايحتاج تكون بزنس ولا فيرست

    تحياتي لك موضوع جميل واللي تقول بتاخذ كاتب الموضوع ، ما ودك احد يشيل الشنط لكم ؟

هل لديك تعليق على الموضوع ؟

This site uses Akismet to reduce spam. Learn how your comment data is processed.