مساعدة لتخطيط رحلتي الى سويسرا

سؤال و جوابتصنيف: مسارات سياحيةمساعدة لتخطيط رحلتي الى سويسرا
Traveldiv فريق العمل asked 5 سنوات ago

السلام عليكم ..

ان شاء الله ستكون رحلتي مع عائلتي المكونه من الزوجين و 3 اطفال(5 و 12 و 16 سنه) في شهر 7 او 8 ميلادي وننوي ان تكون الرحلة لسويسرا و باريس وديزني لاند ان شاء الله ويهمنا ان تكاليف الرحلة تكون معقولة
تفكيري المبدئي باريس 3 ليالي و ديزني ليلتين اما سويسرا محتاره في عدد الليالي

استفسارتي بخصوص الرحلة :

1) ايهما افضل لبدء رحلتي هل ابدأها بسويسرا وانهيها في باريس او العكس ؟؟ نبي الاسهل بما انا عائلة

2) شنو اقتراحاتكم لي في مخطط الرحله؟؟ ما اعرف شنو عدد الليالي المناسبة لانترلاكن مثلا اهم شي ان مانبي نمل في المكان ..من خبرتكم هل اسكن في انسي او تقترحون مكان ثاني ؟؟

3)بالنسبة للسكن شنو اقتراحاتكم في كل منطقة وايهما افضل السكن في اجنحه فندقيه او شقق ؟؟ ووين تقترحوا اسكن في انترلاكن ؟؟

4)هل لازم نستأجر سياره في سويسرا ؟؟ وايهما اوفر استئجار سيارة او التنقل بالمواصلات العامه؟؟

5)من خبرتكم كم احط ميزانيه للمصروف اليومي ؟؟ وكم تتوقعون تكلف الرحلة ؟؟

6)كيف راح يكون الجو في سويسرا شهر 7 و8 ؟ هل اكتفي بالصيفي او لا ؟؟

7)شنو افضل خطوط الطيران اللي جربتوها من ناحية السعر ؟؟

8) شنو احلى الشلالات اللي تستحق العنوه لان حسب ما فهمت ان فيه شلالات وايد فمو عارفة الافضل

9) سمعت بسويسرا المصغرة ان شاء الله ناويه اروحها لكن مادري وين مكانها …وبالنسبه لبيت هايدي اقدر اروح له من انتلاكن؟؟

اعذروني اذا كثرت اسأله لكن هذي اول مره اخطط بنفسي لرحله وزوجي معتمد علي في التخطيط بسبب انشغاله واللي خلاني اخطط بنفسي اني سمعت ان الحجز عن طريق لمكاتب السياحيه راح يكلفنا اكثر بواايد من لو حجزنا بنفسنا
 
 

 

2 Answers
Traveldiv فريق العمل answered 5 سنوات ago

1) ايهما افضل لبدء رحلتي هل ابدأها بسويسرا وانهيها في باريس او العكس ؟؟ نبي الاسهل بما انا عائلة

ما تفرق كثير ، شوفي أسعار الطيران الذهاب باريس والعودة جنيف او العكس واختاري الأرخص

اذا مافي فرق بالسعر ، باريس وصول والعودة من جنيف ، انا شخصيا ما احب افصل السكن في باريس وديزني

5 ليالي في باريس (يومين اروح فيها ديزني وارجع بنفس اليوم)

2) شنو اقتراحاتكم لي في مخطط الرحله؟؟ ما اعرف شنو عدد الليالي المناسبة لانترلاكن مثلا اهم شي ان مانبي نمل في المكان ..من خبرتكم هل اسكن في انسي او تقترحون مكان ثاني ؟؟

انترلاكن أقل شي 5 ليالي ، 7 مناسبة تماما

اذا العودة من جنيف ، فالسكن في أنسي مناسب أو القرى الأقرب مثل ديفون و فرنيه فولتير

3)بالنسبة للسكن شنو اقتراحاتكم في كل منطقة وايهما افضل السكن في اجنحه فندقيه او شقق ؟؟ ووين تقترحوا اسكن في انترلاكن ؟؟

السكن في الشقق بيكون أفضل وبيوفر عليكم (حتى في باريس)

شهر 7 – 8 في انترلاكن السكن بيكون غالي في السنتر

ممكن تشوفي استلفالد – برينز – لوتربرونين – جراندلفالد

وانصحك تشوفي موقع https://www.airbnb.com/

بالاضافة الى بوكنج

4)هل لازم نستأجر سياره في سويسرا ؟؟ وايهما اوفر استئجار سيارة او التنقل بالمواصلات العامه؟؟

السيارة أفضل وراحة وخصوصية وأوفر

5)من خبرتكم كم احط ميزانيه للمصروف اليومي ؟؟ وكم تتوقعون تكلف الرحلة ؟؟

أصعب سؤال لأنها تعتمد على الحاجة والرغبة والذوق ووووو

بس على عددكم 1000 – 1200 ريال يوميا (بدون السكن)

6)كيف راح يكون الجو في سويسرا شهر 7 و8 ؟ هل اكتفي بالصيفي او لا ؟؟

بيكون حلو ، بس الجاكيت ضروري عشان المرتفعات والقمم

7)شنو افضل خطوط الطيران اللي جربتوها من ناحية السعر ؟؟

انا دايم على السعودية ولو أغلى شوي عشان دايركت وخصوصا عائلة،لكن لا يمنع الترانزيت اذا كان السعر مغري جدا

8) شنو احلى الشلالات اللي تستحق العنوه لان حسب ما فهمت ان فيه شلالات وايد فمو عارفة الافضل

شلالات الراين – جس باخ – ثرومل باخ

9) سمعت بسويسرا المصغرة ان شاء الله ناويه اروحها لكن مادري وين مكانها …وبالنسبه لبيت هايدي اقدر اروح له من انتلاكن؟؟

سويسرا المصغرة في لوجانو وبعيدة شوي عليكم ومالها داعي لأنها مو في طريقكم

بيت هايدي 5 ساعات رايح جاي (ما أنصحك لنفس السبب)

 

Traveldiv فريق العمل answered 5 سنوات ago

طبعاً انصحك بسويسرا و الريف الفرنسي 
 
و يمكن تقسيم الجدول كالتالي : 
الوصول و المغادرة جنيف 
الوصول جنيف و التوجه مباشرة الى مونترو
انترلاكن 
انسي الفرنسية ( و منها تتمكن من زيارة اغلب البلدات الفرنسية في الارياف القريبة منها و من انسي تتوجه مباشرة الى مطار جنيف للمغادرة فهي قريبة من المطار حوالي ٤٠ دقيقة فقط )
 
كما انصحك بتحميل دليل انترلاكن و دليل جنيف و الارياف القريبة منها مثل الريف الفرنسي , و هذه الملفات ستفيدك كثيرا .