الرئيسية / التقارير / ليغولاند ماليزيا LEGOLAND

المانيا النمسا فرنسا تركيا امريكا لندن التقارير الدروس  الفنادق  السيارات  الاحداثيات  ايطاليا  انترلاكن  زيلامسي  الآدلة السياحية فنادق سويسرا فنادق زيلامسي

IMG_8336

ليغولاند ماليزيا LEGOLAND

السلام عليكم ورحمة الله وبركاته 

الأغلب منا لعب بألعاب الليغو لما كان صغير  🙂 

من أمتع الألعاب اللي كنا نقضي وقتنا فيها واحنا نحاول نبني بيت أو سيارة أو اي شكل ثلاثي الأبعاد  😎 

أنا وحدة من عشاق هذي الألعاب .. 

السنة اللي طافت ( ٢٠١٤ ) قررنا نروح ماليزيا .. بصراحة في البداية ما كنت متشجعة للفكرة وايد لكن يوم شفت إن توا فاتحين عندهم ليغولاند اقتنعت واستانست وايد 🙂 

خصوصا إن قررنا نقضي ليلة في فندق الحديقة 🙂

ليغولاند تقع قي منطقة ( جوهر بحرو – johor bahru ) في ماليزيا .. المنطقة تبعد عن كولالمبور حوالي ساعة بالطيارة .. 

تكلفة التذكرة على الطيران الماليزي كانت ١٣٠ رينغيت ماليزي .. ( ذهاب فقط )

الليلة اللي وصلنا فيها لمنطقة جوهر بحرو كان الوقت متأخر جدا وما يسوا ان تكون اهي الليلة اللي بفندق الليغو .. خذنا فندق من بوكينغ ..  (أهم شي كان ان يكون نضيف ما اهتمينا بالمستوا وايد لأن مجرد بنام فيه والصبح بنطلع حق الليغولاند )

الصبح خذنا تاكسي من الفندق اللي قضينا الليلة فيه ورحنا الحديقة  😀 

من بعييد تبين ومكانها وايد حلو .. لان المنطقة كانت ليلحين مو قايمة أغلبها أشياء ومباني قيد الإنشاء .. 

وصلنا وتوجهنا أول شي للفندق .. عشان نحط جناطنا 🙂 

عجيييب  :mrgreen: 

شعار ليغو لاند

ليغولاند

حجزنا كان عن طريق موقع ليغولاند 

سعر الليلة ٧٤٠ رينغيت ماليزي 

أجمل شي بالفندق إن يعيشك أجواء الحديقة على ذوقك 🙂 

بتسألوني شلون :؟ 

الفندق فيه ٣ أقسام تختار منها اللي يعجبك 

قسم الـ kingdom 

قسم الـ pirate 

قسم الـ adventure

وكل قسم منهم يحتوي على ٣ أنواع من الغرف .. 

سويت 

غرفة ممتارة 

غرفة عادية 

 وطبعا هناك فرق بالاسعار من نوع إلى نوع 

رابط فندق ليغولاند

lego-hotel

احنا كان حجزنا غرفتين ممتازتين في الـ kingdom و الـ pirate 

الفرق بين الغرفة الممتازة والغرفة العادية : إن الغرفة الممتازة مطبوع على جدرانها شخصيات اللغو حسب القسم اللي انت حاجز فيه أما الغرفة العادية الجدران سادة بس الأثاث فيه شخصيات الليغو  🙄 

وطبعا مثل ما قلتلكم إن تعيش جوك بالفندق 🙂 .. أول ما دشينا الغرفة فيها خزنة مثل اللي يكون فيهم كنز  :mrgreen:  

وعليها ورقة فيها لغز إذا حليت اللغز راح يطلعلك رقم الخزنة وفيها مجموعة من ألعاب الليغو لك  :mrgreen: 

جدا كانت ممتعة وجميلة 

water park

إطلالة غرفتنا على الـ water park 

lego land water park

water park

تذاكر الدخول

 سرير القراصنة

سفينة القراصنة

دخول الحديقة .. 

وبما إن كنا عارفين اليوم اللي بندخل فيه الليغو .. أيضا حجزنا تذاكر الحديقة من موقع لغيولاند 

سعر التذكرة للشخص البالغ ١١٢ رينغيت ماليزي 

وكان معاي ولدي رضيع دخوله free 

رابط التذاكر في الموقع .. 

lego-ticket

الحديقة بشكل عام تعبتر حديقتين .. 

حديقة فيها  منشئات من قطع الليغو + ألعاب لمختلف الأعمار .. 

حديقة اللي كانت تطل عليها غرفتنا واهي الحديقة المائية .. 

كل قسم من هالأثنين تذكرة بروح 

احنا كان حجزنا فقط للحديقة اللي فيها منشئات وألعاب ما دشينا الووتر بارك .. 

جدا جميييلة الحديقة وفيها ٤ أقسام .. 

قسم مباني آسيا ( فيه أشهر مباني أسيا بشكل عام وماليزيا بشكل خاص ) 

قسم الـ kingdom

قسم الـ adventure

قسم الـ city 

الألعاب مثل ما قلت لجميع الأعمار وجدا جدا ممتعة لدرجة إن عدنا جم لعبة مرتين 🙂 

مدخل العاب ليغو لاند في ماليزيا

البحيرة و القارب

البرجين التوأم

مبنى

مجسم

قلعة

جمل

دراجات

المطافي

ماء

سناك

بوابة الدخول

كان فيها جم مكان ليلحين مو خالصين لأن احنا يوم رحنا كان صايرلها شهور فاتحينها لكن الحين أتوقع كل شي فيها مفتوح وكامل .. 

موقع ليغولاند ماليزيا 

legoland malaysia

كتجربة كانت جدا جدا ممتعة وتستحق الروحة بكل ما تحمله الكلمة من معنى 🙂 

  • ملاحظة : منطقة جوهر بحرو تبعد عن سنغافورة نصف ساعة بالسيارة .. 
  • يعني اللي بسنغافورة يقدر يمرها بيوم واحد ويرجع واللي بجوهر بحرو يمديه يمر universal studios ويرجع  😆

وفي أخر زيارة لي في سنغافورة هذي السنة ( ٢٠١٥ ) كانت فيه رحلات خاصة لليغولاند عن طريق مطار سنغافورة بالباصات =)

المانيا النمسا فرنسا تركيا امريكا لندن التقارير الدروس  الفنادق  السيارات  الاحداثيات  ايطاليا  انترلاكن  زيلامسي  الآدلة السياحية فنادق سويسرا فنادق زيلامسي

عن tasting

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *