الرئيسية / التقارير / قصتي في قرية Wengen السويسرية

المانيا النمسا فرنسا تركيا امريكا لندن التقارير الدروس  الفنادق  السيارات  الاحداثيات  ايطاليا  انترلاكن  زيلامسي  الآدلة السياحية فنادق سويسرا فنادق زيلامسي

070337_0531_Wengen1.jpg

قصتي في قرية Wengen السويسرية

قصتي في قرية Wengen في جبال الألب السويسرية

السلام عليكم ورحمة الله وبركاته

قصتي جامعة بين الفكاهة أولاً والفائدة ثانياً

أتمنى تقرونها كاملة

الصورة بالأسفل ليست من تصويري، هذي لأحد الأصدقاء الغالين بقرية ون قن بسويسرا الصيف الماضي. طبعاً القرية هذي ما تطلع لها السيارات، تروح لها فقط بالقطار وتوقف سيارتك بالمواقف تحت…

وفيها سيارات قليلة لأصحاب القرية بعضها او كلها كهربائية، وبإمكانك استئجار دراجة هوائية (سيكل). المهم صديقي آخذ سياكل للأطفال اللي معه، وذات يوم وفي الصباح الباكر، تقل قلبت لغة عربية.

كان بيودي ملابس معه للمغسلة وحاطهم بكيس… وله خبرات سابقة مع السياكل بالحارات، يعني السيكل لعبته، بس يمكن اللي يختلف شوي بس شوي بين حارات القصيم و ون قن الطبيعة، وهذي اثرت عليه سلبياً…

المهم علق الكيس بدركسون السيكل ولبس الخوذه طبعاً هذي الصدز تختلف عن خبراته السابقة ما عمرة لبس خوذه ابد ممكن كان يلبس شماغ عشان يتلطم وما يعرف.. مو للسلامة يعني.

كان سكنه مرتفع شوي والطريق اللي بالصورة واضح نازل وفيه لفه بآخره…

قرية وينقن

يقول دعست شوي وبعده هديت يقالي استعيد الذكريات وبنفس الوقت يتعلم عليه… دعس مره ثانية ( دعس = اسرع ) وتسني اشوف خشته مستانس بالخضار والبراد هو اخذ السيكل لإنه قايم الصبح والصغارين للحين نايمين وليتهم قايمين عشان ما ياخذ السيكل.

الطريق تشوفونه لك عليه شكل نصه تراب، واكيد اذا مسرع وهديت ما راح يهدي بسهولة بيزحلق. وصل قريب للفه اللي باخر الطريق الإ وتطلع شاحنه من شاحناتهم الصغار، هو شاف وجه الشاحنة الإ ويمسك بريك، يوم قال السيكل ( جغغغغغغ ) بالتراب.

طبعاً شاف الوضع ما ينفع مع البريك خلااااص ركز شوي وشاف فراغ بين الشاحنة والجدار من اليمين… وزن السيكل يبي يعدي مع هالفراغ جيمس بوند. عدا بالبداية بس بسسسسس صار الجدار اللي ع اليمين مو متساوي وفيه بعض الحجر بارز…

انترلاكن

ضرب راسه الجحر واختل تواااازنه، وصار بين الجدار والسيارة، كأنه تمرين ون تو، وعداااا السيارة والجدار بس بعد ايش، طاح وطاح سيكله و كيسة ملابسه، وهو مضرج بالدمااااء بيدة وتحديداً احد اصابعه نزيف،والمرافق و الرجلين يا كااااافي…

سواق الشاحنة اتوقع بحياته ما مر عليه هالموقف، نزل وجاء وشاف المنظر رجع نزل شنطة الاسعافات الأولية شكلها وكالة، وحنا اكثر ما بسياراتنا شنطة عدة و عزبة بس اسعافات ما اتوقع، سواله الاسعافات الأولية وقاله وشلونك طيب قال طيب يوم جاء بيمشي وخوينا تقل داخ وجلس… شاف المنظر الإ مؤسف وينرحم قام، وشال السيكل و كيسة الملابس بالشاحنة، وقال يالله اركب…

وداه لعيادة فيها طبيب و ممرضة فقط، يقول نزلت وجلست بغزفة فوق سرير، وفيه كم شايب وعجوز بالعيادة ويتفرجون علي، انتظرت انتظرت واروح للدكتور وش العلم دخت والجرح احسه ينزف اللي باصبعي، قال الحين…

دخل علي وشاف الجرح قال لازم خياطة، وشخص باقي الجسم ما شاء الله تقل اشعه.

قال باقي الجسم كدمات بس، لفلفوه فوق وتحت. قال اليوم لااااا تسوي شي، خلك بالفراش لبكرا، وتعال نغيرلك جروحك

قالو: والفلوس؟! قالو: إذا جيت بكرا تدفع مره وحده.

ومن حسن حضه باقيله بالقرية يومين، جاء من بكرا وغيرو جروحه.

وجاء وقت الحساب:

دفع حول 500 فرنك، حوالي 2000 ريال سعودي. الله لايخسر….

طبعاً أي أحد يروح أوروبا معه تأمين طبي، بس التأمين سياسته تدفع برا وإذا رجعت تطالب شركة التأمين هنا….

وينقن

(نجي للفائدة من القصة)

أبشركم، بعد مداولة مع شركة التأمين (التعاونية)، تم إرجاع المبلغ كامل، ومن الأسئلة اللي سألوه :

ما قدرت تتلافى الحادث؟!

ههههههههه

أنا قالي بس ضحكت؟

بكذا إنتهت القصة الطويلة

واسمحولي ع النقل بإسلوبي

المانيا النمسا فرنسا تركيا امريكا لندن التقارير الدروس  الفنادق  السيارات  الاحداثيات  ايطاليا  انترلاكن  زيلامسي  الآدلة السياحية فنادق سويسرا فنادق زيلامسي

عن Traveldiv

وجدت نفسي في السفر ، و مضيت سائحاً .. هارباً من بلاوي الحياة وجدت راحتي و استقراري بين الجبال و الاودية و الانهار انا هنا لأقدم لكم النصائح السياحية و احاول مساعدتكم في الهروب فقط !!

شاهد أيضاً

القمم الثلجية في اوروبا

احداثيات القمم الثلجية في اوروبا و اسعار التذاكر و اوقات العمل .

نقدم لكم اليوم اهم القمم الثلجية في اوروبا الغربية و تشمل سويسرا و النمسا و …

تعليق واحد

  1. اتمنى لاكن لا المصروف في والخوف من التيه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *