التقارير

رحلة إلى مدينة بينانج في ماليزيا – الجزء الرابع والأخير

بسم الله الرحمن الرحيم

السلام عليكم ورحمة الله وبركاته

وأسعد الله صباحاتكم ومساءاتكم بكل حب ومودة..
وجعل أيامكم كلها تفاؤل وطموح وفلّه وكلش!! <خانه التعبير!

 التقرير اليوم بيكون غير شوي, المرات اللي راحت كانت أنشطة بحرية وتسذا! اليوم معظمه بيكون عن المصاعم والأطعمه بماليزيا

بسم الله.. نبدأ

][فطور ماكدونالدز][
.

هالجزء بيكون سفرة ثانية وخاصة, كان يرافقني الصديق والأخ العزيز أبوعبدالعزيز, وبيكون فيها أشياء جديدة وأشياء متجددة وإن شاء الله يكون خفيف لطيف..
بدايته ب وجبة فطور صباحية في مطار “طيران آسيا” KLCC

GwftkEwazaqpvnya

GvgIgzuGpkmccFsF

][فندق فلامنجو][
.

وصلنا الى الفندق في مدينة بينانج, كنا متفقين مع سائق خاص, وكانت سيارتهم حاطين عليها علم السعودية! طبعاً كان سائق السيارة إمرأة والعياذ بالله, تخيلوا حرمه تسوق؟؟

tqvywDqwcpeeIHIu

من شفت علم السعودية واللي تسوق حرمه بديت أشك بالعلاقه بينهم وبين منال الشريف!!
المهم أننا من ركبنا أنواع المضايقات وكل شوي جاي واحد جنب السياره ويغازلها ويتميلح عليها!! لدرجة كنا بنوقفها ونطلب سائق رجل!!
وصلنا للفندق الحمدلله بعد معاناة كبيرة وتسذا مع الشباب الهمج المغازلجية الغير متربّين!!

npCCIjEsvjwmCbbr

صورة لبهو الفندق الجميل..

IyuvEzxzDhxqfarc

المسبح المطل على البحر <حلوها عاد ههههه!!

nvpIGhnmtsBckHAG

البار , والعياذ بالله!! ذكرت بعض مقاهينا يحطون “هالبطول” في الواجهة ويقولون عصير تفاح!! أو أقل شي يقولون فاضيه!! ههههه 

EfcAyyEDhcngvHAq

طلعنا لغرفة النوم وكانت هذي إطلالتنا الجميلة..
ألعاب الأطفال.. مهوب الحدايق اللي في حواري الرياض!! اول مره اشوف حديقه مافيها شجر ولا عشب!! والشجره الوحيدة اللي عايشه للحين تجيب الحساسيه ههههه!! المراجيح مكسره!! الكراسي مافيه!! الرمل وصخ!! العشب يابس!! الحارس طالع ومقفل الحديقه دايم!! والأمانة فقدت الأمانة ونامت!! 

AIxDsjmhguAeCBIa

الشاليهات البحرية.. ولحدّ يقول لي مافيه شاليهات بريّه!! هذي هي موجوده في الثمامه!! شاليهات على 1500 تطل على مسبح وصخ وثيّل أصفر!! 

BwJzvjpjvcqBChmm

المشي على البحر.. طبعاً سبحان الله ذكرت بحر جدّه ونظافته وكذا!!

CzJtnhutsfCbrhyw

الدبابات البحرية التي امتلأت بها المنطقة الشرقيه وكورنيش الخبر بالذات!!

cDyDyqaIsevpsqEB

إطلاله تذكرنا بالفيصلية والمملكة!!

ACfbhxtnubvzxpJD

نرجع للمسبح اللي تطل عليه من داخل المطعم أو الكوفي كما يسمونه الماليزيين..

vkGAhvEvhpHcxtAF

دخلنا لهذا الشي..

aawIIfzJBnvvGrce

ybaubgCzubcbywwq

الفطور.. بوفيه مفتوح..

vwhuEBqqJvqjzgab

jysxIrCEAFznHehr

gsHjInkHahhtDIEt

بيض مقلي, في الهواء الطلق..

jxECpAhwgrGgJGec

فطورنا الكويّس بعد ما جلسنا برّا..

JkfJEHwhzHCxceIn

أنا أخذت بيض مسلوق.. يعني يحطونه فالمويه وكذا لما يستوي.. المهم كان وللأسف الشديد نص إستواء.. 

pDcbmmjhFDjcmzga
,
بعد الفطور طلعنا للغرفة نخمد للظهر..

uIFykEcIrHbttnEa

gAwCgJtfFjcHFnyH

 

][غداء ماليزي][
.

صورة أبعد ما تكون عن الفوتوغرافيه لكن هي محاولات وخرابيط وتسذا!! ولا تدققون بالجوال طالعن بالغلط!! 

wuvtHCgfuJBtfpFr

شوربة الفطر لذيذة أوي –

vpmEIGAssfGCcAva

الطبق الرئيسي, إسمه “ناسي قورن أيام” وهو طبق ماليزي عبارة عن أرز مخلوط معه خضار ودجاج وذرة وبعضاً من الأشياء التي لا أدري ما هي!!
جاء مع هالطبق ربيان مشوي, وقرص مدري وش اسمه بس يابس, وبيض عيون, وساتيه “يعرفونه أهل الحجاز” وهو عبارة عن دجاج مشوي وتسذا, وبعضاً من الخرابيط الأخرى!!
الزبده مايصلح لكم أبد هههههههههههه,, ينفع للي عايش ف ماليزيا وأكل من الأشياء اللي ما تنوكل!! بيطلع هالطبق عنده “كافيار الشيوخ” ههههه 

gCszyFzxDqhfFasD

qyjBaptatreJCCJh

][عودة لمحل القهوة مرةً أخرى][
.

بعد ما شفت الحماس مع محل القهوة واللوحات والذكريات اللي كانت مكتوبة, قررت أخليه ضمن جدول رحلتنا وأصور لكم الذكريات كلها اللي ما أنعرضت!!
قهوة لذيذة جداً جداً صدقوني <<قولي قسسسسم!! 

wJFBfeDrFhDCFvDu

أرحبوا يا عرب, لا تفوتكم القهوة, أشتر وأنت مغمض, ما تلقاها في ديارنا<< مركزين على العرب بشكل ماتتصورونه!!

CFCkzEkhDxrhGwFt

ياهوووهـ لا تفوووتك القهوووهـ

fykHbfIkpmxbFFpC

هذا المكان رائعة جداً, وكل بياعين يتكلمون عربية <<من بعد هالكتابة حسيت أن الماليزيين كاتبين نص اللوحات!! ههههه 

DxFsvnrJGCbyntAD

جربوها.. شوكولاته صدقية <<توني أدري فيه شوكولاته كذبية!! ههههه

rxFycujpJmGmwwAI

لاتنسى تعزمني لا رجعت الرياض <<أبشر والله!!

jfcFghfhBCgBtEbG

إلى كل من زار هذا المكان, رجاءي لا تنسوهـ أبداً << يصير خير ان شاء الله!!

ynpwcehDDsqjnIGy

أفضل قهوه جربتها عندهم هي التراميسو.. بعض القهوات مضروبة ترى, وبعضها مايفرق عن النسكافيه شي!!

IEyCsAEGsJBhvkjx

وتقولون السعوديين ماعندهم رومنسيه؟؟ مظلومين والله ههههههههههه!! 

shgDrjrJeqfJbJaz

][خاتمة][
.

بهذا التقرير ننهي معاً الجزء الرابع والاخير من مدينة بينانج, أتمنى أن التقارير كانت مفيدة وأسلوبها شيّق وغير ممل.. الجزء القادم بيكون عن جزيرة لنكاوي, بحاول أختصر فيه قدر الإمكان, ولأن الصيفية جايه ان شاء الله, أتوقع نص السعوديين مهاجرين على ماليزيا وتركيا “حسب إفادة بعض المكاتب السياحية”!!
ملاحظة:
ترى فعلاً الحرمة كانت تسوق بنا السيارة, لكن ما شفنا مضايقات ولا ملاحقات ولا أشياء علمانيه مدري تغريبيه وتسذا!!
كل اللي شفناه إحترام, رحنا وجينا معها, كانت محترمه معنا, وكنا كذلك معها أيضاً..
.

سبحانك اللهم وبحمدك, أشهد ألا إله إلا أنت, أستغفرك وأتوب إليك..
اللهم إغفر وإرحم من هم تحت التراب, وأسكنهم فسيح جناتك يارب العالمين..
وإشف وعاف من هم فوق التراب.. وإجعل ما أصابهم تكفيرٌ لهم يا ذا الجلال والإكرام..
اللهم صلي وسلم على سيدنا ونبينا محمد, وعلى آله وصحبه أجمعين.. 

رابط الموضوع الأصلى : http://www.abunawaf.com/post-10825.html#.UtUoZvQW2So

الوسوم