افضل فنادق قارمش  اكواخ كابرون الخشبية  افضل فنادق امستردام  موسوعة فنادق و شقق لندن  مناطق السكن الامنة في باريس  شقق زيلامسي و كابرون  دليل السكن في زيلامسي  افضل شقق انترلاكن 

التقارير

رحلة إلى لندن – الجزء السادس و الأخير

شقق و فنادق افضل شقق انترلاكن افضل فنادق زيلامسي افضل فنادق دبي شقق النمسا
فنادق و شقق النمسا افضل فنادق و شقق كابرون افخم فنادق لندن افضل فنادق لندن افضل فنادق سويسرا
افضل فنادق انترلاكن افضل منتجعات المالديف افضل فنادق ميونخ افضل فنادق نيويورك افضل فنادق باريس
افضل فناق برشلونة افضل فنادق مكة افضل فنادق الامارات افضل فنادق تركيا فنادق باريس الرومانسية

السلام عليكم ورحمة الله وبركاته

اليوم يا حلوين … نكمل باقي رحلتنا إلى لندن …. اليوم كان اليوم الاخير لي في لندن … لأني اليوم الثاني بعون الله راح اسافر لباريس …

كما هي العاده في كل صبح … بعد ما صحيت من النوم وخلصت كل الطقوس المايسترويييه …
وحسب ما مخطط في جدول الرحله .. اني اليوم راح اروح لملاهي الألتون تورز …

Alton Towers

altontowers

وهذا موقعهم ع النت 

هي عباره عن ملاهي كبيرررره … ويسمونها في بريطانيا … ديزني بريطانيا … طبعا اوكي هي كبيره … لكن مو كلها ألعاب مثل ديزني فرنس .. لالالالالا … أكثر شي فيها المسطحات الخضراء ….
تذكرون حديقة الملك فهد في الشرقيه … ابدددددددد ماهنا فرق … لا والله فرق …

المهم هذه قبل ما تروحون لها … انصحكم تاخذون معكم عدة الطلعه … يعني خذو معكم بساط الجلسه … وخذو معكم حافظات الرز … وطبعا قبل هذا وهذا … المفرحااااااااات .. عشان فيه جلسات هناك عمبترد الروح … يعني افرش بساطك .. ونزل القهوه والشاهي … وخل بزرانك يلعبون <<اشوى انك ما بقيت ولا لعبه

نصيحه .. اذا مره مره مره .. صملت انك تروح لها .. ادخل موقعهم على الانترنت .. ( بص عليه فوأ ) … اول ما تدخل … تقدر تحجز التذاكر … بأسعار أرخص لو رحت هناك وحجزت …

طيب يا حلوين …. كيف نوصل هناك من وسط لندن ؟ … او بعد من غير لندن .. مثلا كنت في مانشستر او ليفربول … او غيرها من المدن البريطانيه … توصلها بأكثر من طريقه …
طبعا راعي هالملاهي … ذهين … وينه حاطها فيه ..!! … حاطها في وسط المدن البريطانيه الشهيره .. عشان كلن يوصلها …

شوف معي موقعها على الخااااااارطه …

alton_towers_map

متربعتن بينك انتي يا لندن .. ومانشستر وبيرمنقهام …

طيب فيه اكثر من طريقه عشان توصل هناك … يا أنك تاخذ تاكسي … لكن هالتاكسي بيصبخك بسعر تعاف أبو الرحله … او انك تاخذ القطار … او انك تاخذ باص من شارع الاجوراد رود … او انك تروح على رجليك .. ومثل ما انتم عارفين .. لو رحلت على رجليك تعرف متى تبي توصل

بخصوص الباص … فيه شركات سياحيه عربيه في شارع الاجوارد .. ممكن يودونك هناك على شكل قروب … والقروب هذا كولوه عرب … بسعر معين طبعا … لكن المشكله انهم يتحكمون في روحتك وجيتك … وهذا شي يضيق الصدر .. يعني مثلا اعجبتني الجلسه وودي اجلس وش اسوي …. او ما دخلت مزاجك وتبي ترجع …

وفيه طريقه القطار .. وهي اللي اخذتها … اول شي اذا كنت في لندن وتبي تروح لها عن طريق القطار … لازم تروح لمحطه الاوستون … ومن محطه الاوستن تقول ابي تذكره لمحطه ستوك اون ترينت …

بكتبها بالعنقليزي … عشان لو تبي تسأل احد هونيك …

Euston station —-> Stoke-on-Trent

طيـــــــب … شوف معي اولا محطه الاوستن اللي موجوده في لندن … وكيف توصلها من فندقك …

euston

تشوف الدائره اللي تأشر ؟ … مو هنا فوووووق .. ايوووووووه .. هذه هي المحطه اللي تنطللق منه …
طبعا يا حلوين .. احفظو مكان هالمحطه .. لأنها مهم جد … كثير من مدن وقرى بريطانيا … تنطلق لها من هالمحطه …

ابد طال عمرك .. اول ما توصل هالمحطه .. قل ابي اروح لمحطه Stoke-on-Trent … وهو بيعرض عليك مواعيد الرحلات والامور هذه …
انا رحت قبلها بيوم … عشان احجز …

رحت هناك … ولقيت وحدتن طخم … وحجزت لي … وهذه صوره الطخما … أأأ … اقصد صوره التذاكر …


london2007_28

انا اخترت اني اروح الساعه 10 الصباح تقريبا … وقلت للطخم …. خلي وقت العوده مفتوح … قالت لي Ebsher mn 3eony

قلت الله مير يسلمتس … ما تقصرين والله …

كان سعر التذكره تقريبا 49 باوند … يعني امممممممم 370 ريال سعودي …

فيه شي مهم بنبه له … يمكن ما يقول لك عنه اللي بيحجز لك … وهو ( ان اذا حجزت تذكره موعدها قبل 8 الصبح فبيعونك اياها بسعر مرتفع جدا ) … لو تحجز بعد 8 … ارخص لك … فأنتبهو للشغله هذه يا حلوين ..

بعد ما تحجز وتخلص امورك … تعال بدري للمحطه … مهوب تسوي نفسك فاهم .. وتقول يااااااارجال خلنا نتأخر لنا شوي … لا يا حبيبي … هذولي ناس بالدقيقه .. انا يوم رحت احجز … ركدت ساعتي على ساعه المحطه …. عشان هالقطارات تمشي بالدقيــــــقه …

ركبت القطار … وانطلـــــــــــقت للمحطه اللي ابيها …

اول ما وصلت لمحطه Stoke-on-Trent … لازم آخذ لي باص .. والا تاكسي … عشان اروح للملاهي … ما تبعد كثير … سألت هناك … قالوا لي الباص يجي كل نص ساعه … واطالع ساعتي … الا الباص رايح من شوي …

قلت اجل مابدهاااااش … خذ تاكسي بس … وأأشر بيدي اليمين .. ويصفط ذاك التاكسي … ( لازم تأشر بيدك اليمين … والا ما يوقف …) …

المهم .. واركب هالتكسي … ويطيـــــــر بي … يسررررع والله .. يابو الشباب .. هد شوي .. وشو له العجله … وانا اقول هد .. وهو يدووووس …

london2007_141111

شوف العداد وين وصل .. تقريبا 23 باوند …

وهذه صوره من الطريق

london2007_14111

بيوت ناس <<< بالله عليك !!

المهم بعد ما دوخني ابن الذينا .. وفرفر فيني … وصلناااااااااااااااا …

london2007_1388

ترررررراااااااااااا >> يسوي اكشن ..

بعد ما وصلت .. رحت لشباك التذاكر .. عشان اقص لي تذكره … وهذه اسعار التذاكر …

london2007_1411111

مثل ما انت شايف .. الاسعار قدامك … السعر هذا تدفعه … وخلاص تلعب كل أبو شي جوا ببلاش …

اللي جلست اضحك عليه .. انهم حاطين للي طوله اقل من متر .. ببلااااااااااش …. يومكم يالنتف .. يووووومكم … ( وجه ما يطالع احد ) …

قصيت التذكره .. وادخل … أول ما تدخل .. تلاقي هالمغطس قدامك …

london2007_1366

وانتظر الضفادع تطلع لك …

بعدها اخذت خريطه الملاهي .. عشان اشوف وش الزين .. ووش اللي مو زين …

وهذا منظر من بعييييد

london2007_1377

كان الجو وقتها … رووووووعه .. عمبيجنن .. وعبيعأد … وغيوم وكيذا يعني …

قلت ببدا باليمين .. درب الغااااااانمين …

london2007_141122

هذه للاطفال … مثل الدوميه .. تقص عليك قصه … وش تسوي انت عشان تسمع لها ؟ … تضغط على زر عندها .. شوفه معي …

london2007_1355

تضغط على الزر … ويبدا الابله اللي فوق يتحرك ويقص لك القصه … طبعا انا ضغطت على الزر .. وخليته يبدا القصه … ومشيت …. بس كيذا ابي احلل ابو التذكره

بعدها لقيت لعبه .. انبسطت عليها كثيررررر … وهي تكسير صحون … شوف معي …

london2007_1411

الكوره اللي يعطيك اياها .. قاسيه شوي … واذا كسرت 3 صحون .. يعطيك الدميه الزرقاء اللي واقفه هناك …

طبعا ياني بردت قلبي في هالصحون … ما تسمع الا بوووووش … بوووووووش … هذا صوت الصحون وهي تتكسر … من الحماس ودك تكمل على اللي جنبك …

بعدها رحت للعبه … مدري وش اقول صراحه … بعد ما ركبتها .. صدقت مدرسنا حق العلوميوم يقول ان الارض تدور … صدق والله .. داااااار بي راسي …
شوف هاللعبه …

london2007_145

شفت هاللعبه ..!! … اذا ركبتها … يلف بك ويخلي تحتك فوقك .. وفوقك تحتك …. يعني تلف بك وتقلبك … بس مو تقلب بك بسرعه .. لالالالالالا .. تقلب بك وتوقف وهي منقلبه … شوف معي …

london2007_146

شفت الصوره اللي فوق .. ترا اللعبه واقفه …. يعني يسوون اكشن شوي باللي راكبين … شف

شعرهم على تحت

بعد ما حميت شوي …  يقال له ان هذه اللعبه تحميه له …

قلت بروح للعبه ثانيه .. وهي لعبه .. توقف عندها قلبي … وتوقف عندها شرياني الاورطي .. وتوقفت عندها تسلوتي عن الحركه والعمل … شوف معي اسم اللعبه ….

london2007_143

اسمها اكس سيكتور … هذه اللعبه … اذا ما ركبتها انت .. كأنك ما رحت للملاهي هذه … أليـــــــــــمه بشكل … مو طبيعي…

قلت يالله ياولد .. صف مع هالعالم .. عشان نركبها …

المهم بعد ما وصلت .. قال لي المسؤول عن اللعبه .. اذا معك شنطه والا شي .. حطها في صندوق الامانات .. كل واحد له مثل الصندوق … وكانك لابس نظاره شلها … وكانك حاطن شي ممكن يطيح … لا تاخذه معك …طبعا يوم قال لي كيذا .. ابداااااااا ما خفت .. وزادني ذالك الشي اصرارا وقودما للعبه …

هذه اللعبه .. مثل قطار الموت .. تركبه .. ويلعب فيك فووووووق تحت .. بسرعه جنونيه … ما تشوف الا الشعر يهفهف … لكن فيها وقفه .. هالوقفه هي اللي تذببببح … شوف معي الصوره …

london2007_14112222

شفت الصوره اللي فوق ؟ … شفت الوقفه هذه .. اول ما تمشي اللعبه .. وتوصل لهذه النزله … توووووقف العربه … توقف ووجهك على تحت .. وتشوف العالم تحتك … توقف تقريبا 15 ثانيه … توقف شوي … شوي .. شوي .. هدووووووء .. كلهم ساكتين … هدووووووء … بعدين

تنطلق على تحت .. كأنك طايح من عماره 4322 دور … انا ما قد طحت من عماره … بس احس كيذا …

تنزل بسرررررعه بزاويه 90 درجه على تحت … طبعا مستحيل تفتح عيونك .. .. من الروعه كلهم مغمضين … وما تسمع الا صرااااااخ … وما تسمع الا صوت الهوا يشطفك … بووووووووووف … بوووووووووووف … >>> هذا صوت هوا لندن يختلف طبع …

طبعا اول ما نزلت من هاللعبه .. جلست اتلفت .. اقول الحين انا ويــــــــن … ياربيه انا وين … الجو وتبطي جو الرياض … اجل انا وين …. لأن من جد تدوخ …

بعدها قلت بروح امشي شوي .. عشان الدوخه تروح ..

بعدها قلت يا ولد … اركب شي خفيف … يكفي استهتار في حياتك

london2007_1399

هذه اللعبه خفيفه مرررره .. ابد .. فنجال كبير … وتركبه .. ويخضك … انصح اللي لسى ماكل .. يهضم عن طريق هاللعبه …

بعدها ألتفت شوي .. الا ألاقي قلعه بعيييييييده … قلت هيا بنا إليها .. اذهب لها …

london2007_142

القلعه هذه بالمره حلوه … هي قلعه لناس من اول .. بس ما قريت عنها صراحه … قلت بدخل الحين .. واذا جيت اطلع قريت عنه …
وش رايكم طيب الحين يا حلوين .. ندخل مع بعض ؟ …

هيا بنا …

london2007_153

وهذه صوره ثانيه من حديقه القلعه …

london2007_151

طبعا في القلعه كل شي مشروح لك … يعني هذا مطبخهم .. وهذا مجلسهم .. وهذه غرفه نومهم … خلونا نشوفها مع بعض …

london2007_1551

وهذا منظر رووووعه من فوق .

وهذا مقلط الحريم حقهم

london2007_1481

حريمهم أول .. يجلسون هنا .. ويجيبون الفصفص .. والكراث .. والشاهي .. ويحشون في بنات القبيله اللي جنبهم
وهذه الدكه اللي يجلس فيها ابوهم .. يم الحطب وشبه النار والقصايد الانجليزيه

london2007_1491

وهذا منظر آخر من فووووووق …

london2007_1561

وهذا صوره من أحد شبابيك القلعه …

london2007_1501

الكوره اللي على اليسار .. كانت معي طول ما انا في هالملاهي
بعدها .. طلعت وقلت بروح ادور لي شي آكله .. لأن الالعاب هضمت ابو المفرحااااات …
فيه هناك طبعا كم مطعم .. واول ما طاحت عيني عليه .. هو حبيب الألب .. ماكدونالدز

london2007_141121

اما هالدب اللي في الصوره .. ما صبر مسيكين يجلس .. على طول لعب في البورجر وهو يمشي … بالعافيه أيوها الكثير
اخذت وجبتي .. ورحت اجلس في مكان هاااااااااااااادي .. وانا جالس .. صورت لكم كم صوره …

london2007_152

ياااااااااا قلبوووووووو … اخذت لها صوره .. بعدين رحت لها .. وجلست اسولف معها شوي … ابد .. ابد .. ابد ما عضيتها …
وهذه صوره ثانيه وانا جالس …

london2007_1400

وهذه برضو

london2007_14112

بعدها لقيت تلفريك .. حلو وخفيف .. يوديك من مكان لمكان في الملاهي .. وركبته …

london2007_141120

أبها في قلوبنا …
وهذه صوره ثانيه …

london2007_1411211.

لو تدقق في الصوره فوق .. تشوف وحده تأشر لي .. تقول هاااااااي .. .. طبعا ما سمعتها .. بس احسها تقول هاااااي …
بعدها التفت يسار .. وتطيح عيني على حبيب ألبي .. وموهجه فؤادي .. طاحت عيوني على الشوكولاته

london2007_157

هذه تعطيك مثل العود فيه فرااااااوله .. وتغطها في الشوكولاته .. واستمتتتتتتتتع …
بعدها طلعت من الملاهي .. وقلت برجع لندن .. عشان اشتري لي كم غرض لرحله بكره لباريس …
وانا طالع .. سألت .. قالوا لي فيه قطار يوديك على طول لمحطه الستوك .. اللي جيت منها … وطبعا جلست انتظر هالقطار .. وتهورت شوي … ونزلت فوق السكه الحديده اللي يمشي عليها القطار … شوفو …. هي مسكت … وانا اذا مسكت مسكت … قلت بنزل تحت .. واصور … خلااااااااص مسكت .. وانزل واصور هالصوره …

london2007_158

ناظرتني بطرفها الساهي …

وقالت: لو تفارقني أموت!! ..
وافترقنا لا رسايل ولا صوت …
وكنت أسأل دايم أسأل:
يا ترى وش صار فيها؟
قالوا (مبسوطة) ما عليها …
صارت أجمــل!
وابتسمت..
وقلت: هذا اللي أبيه …
بس كيف أنا صدقت !!
يوم قالت لي بموت !؟

طبعا جلست على حيلي … واضبط الكاميرا .. وواااااثق مره .. ان القطار بيجي من امامي … توني اتذكر الحين اقول لنفسي … الحين لوه جاي من وراك … ههههههههههـ …


رجعت للفندق … وضبت أغراضي .. استعدادا لسفري اليوم التالي .. لباريس
وكيذا … نكون وصلنا لآخر الرحله ..
وصلنا لآخر يوم لي في لندن …
صراحه ما ادري وش اقول …
ابي اشكرك أنت … ايه أنت اللي تطالع التقرير .. اشكرك أولا على وقتك اللي عطيتني … وتفضلت علي بلحظات عشتها معي … سواء في هالحلقه .. أو الحلقات الماضيه … واتمنى من كل قلبي … أن تكون انبسطت ..

رابط الموضوع الأصلى : http://www.abunawaf.com/post-6708.html

اكواخ زيلامسي الخشبية   دليل فنادق انترلاكن المميزة  شقق و فنادق سالزبورغ  فنادق وسط فرانكفورت  اجمل فنادق انسي  فنادق الغابة السوداء  فنادق و شقق فيينا  افضل 10 فنادق بميونخ  شقق و فنادق اقليم تيرول  موسوعة السكن في كابرون  جميع مواضيع السكن

الوسوم

‫2 تعليقات