افضل فنادق قارمش  اكواخ كابرون الخشبية  افضل فنادق امستردام  موسوعة فنادق و شقق لندن  مناطق السكن الامنة في باريس  شقق زيلامسي و كابرون  دليل السكن في زيلامسي  افضل شقق انترلاكن 

التسوقالتقارير

رحلة إلى لندن – الجزء الخامس

شقق و فنادق افضل شقق انترلاكن افضل فنادق زيلامسي افضل فنادق دبي شقق النمسا
فنادق و شقق النمسا افضل فنادق و شقق كابرون افخم فنادق لندن افضل فنادق لندن افضل فنادق سويسرا
افضل فنادق انترلاكن افضل منتجعات المالديف افضل فنادق ميونخ افضل فنادق نيويورك افضل فنادق باريس
افضل فناق برشلونة افضل فنادق مكة افضل فنادق الامارات افضل فنادق تركيا فنادق باريس الرومانسية

السلام عليكم ورحمة الله وبركاته

نكمل اليوم الحلقه الخامسه … من سلسله التقارير عن الحبيبه لندنــــ … اليوم اول ما صيحت الصباح .. وخلصت كل الطقوس المعتاده … طلعت اللابتوب .. عشان اشوف الجدول اللي كنت حاطه .. 
واليوم وين راح اطلع … اليوم زيارتي بعون الله .. راح تكون لنادي الأرسنال .. 

london2007_120

او بالاصح … لملعب الامارات .. او سابقا ملعب الارسنال … قبل ما اطلع من الفندق .. قلت بدخل موقعهم على الانترنت .. يمكن اليوم يوم صيانه والا شي … ماله داعي اطق مشوار .. ويروح وقتي في الباي باي … دخلت موقعهم …هنـــــــا …. 

واجلس الف فيه .. اشوف اذا فيه مواعيد معينه للزياره .. او عندهم ايام يكون فيها صيانه .. او حاجه مثل كيذا … بعدها … 
قلت الحين ابي محطه الاندرقراوند اللي توصلني لنادي الارسنال … طلعنا الخريطه … وافرشها على السرير … وانبطح على بطني .. واجلس احرك رجولي من ور … ههههههههه .. امزح امزح … 
المهم واجلس اطااااااااالع … حصلت المحطه اللي توديني لنادي الارسنال .. هي محطه الارسنال .. مسمينها عليهم … فيهم الخير والله … طيب .. طيب .. طيب يابو <<< يحك راسه … وين هالمحطه على الخريطه … نشوفها مع بعض ؟ … هيا بنا ..
arsenal1

طبعا مثل ما تعودنا .. هاللي يأشر هي المحطه … 
كملت لبسي … وجهزت شنطتي .. وجوالي على الهزاز .. والايبود في مكانه … والنظاره في مكانها … واطلع من الفندق … واتجهه للمحطه اللي قدام فندقي … بعدها جلست في المحطه .. انتظر الاندرقراوند 

london2007_124

كانت محطه الارسنال بعيده صراحه … يعني طولنا وحنا في الاندرقراوند … خلللللص كل سيدي أليسا .. وخلص كل سيدي اصاله ما وصلن … 
المهم اول ما وصلت وانزل من المحطه .. واروح مشي للاستاد … اول ما تطلع من المحطه .. ابد .. يجيك حرف تي .. لف يمين .. خل الشمس على حجاجك الايسر .. وامش امش .. بيجي النادي قبالك … وهذه صوره قبل ما اوصل …

london2007_109

صراحه كان الجو يومها .. عمبيجنن .. عمبيعئد … بياااااااااخوذ العئل .. شوف معاي …

london2007_118

اول ما وصلت … جلست ادور المكان اللي اقص منه تذكره الدخول … تذكره الدخول يا حلوين .. يقصونها جوا مركز المبيعات … عندهم مثل مركز المبيعات او المعرض … يبيعون فيه منتجات خاصه بنادي الارسنال … راح اخذ بكم لفه فيه لما اطلع من الملعب … بس الحين شوفو صورته من برى .. لا احد يدخل لين نرجع .. بس ذكرني ندخله اوكي … لا تنسى بليز

london2007_137

قصيت التذكره .. شوفها معي …

london2007_140

وكان سعر الدخول هو تقريبا 12 باوند .. يعني تقريبا 90 ريال …

london2007_1344

قالو لي باقي نص ساعه وتدخل … قلت ننتظر برى شوي .. لين تخلص هالنص ساعه … قلت يا ولد … خذ لك كم صوره للاستاد من برى …

london2007_110

وهيدي ..

london2007_1112

مسوي لي فيها راعي هالسيكل .. يعنني شوفوني اسوق وانا تارك الدرسكون <<< لا تدقق بعدها بدو الناس يتجمعون عند الباب .. عشان ندخل … وبدا الانتظاااااااااار …

london2007_112

وانا جالس انتظر .. شف عائله جايين وكلهم لابسين تي شيرتات الارسنال … المهم .. لقيت معهم بنوته مررررررره تجنن .. … وانا اللي انهبل عليه … عاد في الحالات هذه .. ما عندي مشكله .. اروح واستأذن من ابوها والا امها .. واسلم عليها … شوفو

london2007_117

اللي على اليمين مره .. حاطين لها رقم 2 … فديتها انا .. .. <<< عشقه الاطفال 
بعد ما جا الموعد … اول ما دخلنا .. كان معنا مثل المرشد .. وقفنا .. وجلس يشرح لنا تعليمات الدخول .. والاشياء اللي راح نمر من عندها … 

london2007_119

بعد كيذا … بدا يمشي هو … وحنا نمشي وراه … تخيل معي .. تمشي في مثل الممر مظلم .. تمشي .. وتمشي .. وتمشي … وتمشي .. بعدين تطلع على الملعب مبااااااااااااااشره … .. شعور جدن رهيب …

london2007_134

صوره مع التحيه .. لملعب الملز … 
طبعا حنا الحين فوووق .. في المقصوره الرئيسيه اللي يجلسون فيها كبار الشخصيات … جلسنا .. بعدين بدا يسولف علينا … ان هالملعب انشأ سنه كيذا … وكلف كيذا … والزرع يقصونه بمقايس معينه .. ووووووو … طبعا كان الحضور منوع .. يعني فيه الكبار وفي الصغار … حتى البنوتات حاضرات …

london2007_136

ايــــــــــــه يا ملعب الملز .. نجلس على سجادات .. والا جريده … غير كيذا اذا خلصت المباراه .. تلاقي شعرك كله فصفص من اللي فوقك … زين فصفص ولا زقاير
المهم مالكم في الغلقه … 
بعدها قال نبي نوريكم المكان اللي يتعالجون فيه اللاعبين .. اذا جا احد على وجهه

london2007_138

الساعه 4 وثلث .. لا احد يطالع الساعه هناك
بعدها رحنا وشفنا مثل المسبح الصغير … على قولته .. اللاعبين بعد المباراه يجون يتلينون فيه … ( طبعا كلمه يتلينون قالها بالانجليزي … ) … 
london2007_139

بعدها رحنا للمكان اللي يعرض فيه المؤتمر الصحفي بعد كل مباراه … بوص معايا يبني … بص هنا ما تسرحش كتير …

london2007_135

بعدها قلنا نبي نسير على المكان اللي يبدلون فيه اللاعبين ملابسهم … البنات على جنب لو سمحتم ….. 
طبعا الغرفه اللي تبي تشوفها الحين .. يكون فيها كل مستلزمات اللاعبين قبل المباراه . وبين الشوطين … وبرضو المكان اللي يعطيهم المدرب التعليمات النهائيه …
london2007_121

بعدين قال الحين نبي ننزل ندخل الملعب من تحت … وندخل مثل ما يدخلون اللاعبين … عاد شف الحماس اول ما تجي تدخل .. كيذا نصف مثل اللاعبين .. وهو يوقف قدامنا يعنني حكم … الملعب فااااااضي .. بس حسيت اني تحمست .. وش رايكم ندخل مع بعض ؟ … يالله ندخل ؟؟ … هيا بنا …

london2007_122

ويومثل فريق الأرسنال في حراسه المرمى كولن من جوزيف ولد امه .. وفي خط الدفاع من اليمين لليسار لبلبلبلبا … << هذا صوت المعلق .. وهذا انا اتخيل .. عادي عادي .. الحاله ما تطول الله .. احساس غرررريب .. كيذا تمشي في هالظلام .. وتشوف النور قدامك … وشوي وتوصل … مشينا شوي .. وشوي .. وشوي .. وشوي … حـتـــــــــــــــى … 

london2007_129

ألعب .. ألعب .. ألعب …آآ يا عيني …

london2007_127

كأن الملعب مفروش بالموكيت … مو زرع … ما شاء الله ما شاء الله .. لا ينحرق الحين زرعهم …

london2007_123

كان شعور رهيب صراحه وانت تشوف هالملعب .. وانت تشوف هالجو الروعه … بعد كيذا .. طلعنا على مركز المبيعات … ايه ايه ايه … ليش ما احد ذكرني ..قايل فوق .. ابي احد يذكرني … المهم .. 

طلعنا لمركز المبيعات … حلو كثير مركز المبيعات حقهم .. تشتري منه اشياء حلوه كذكرى لك .. او هديه للي تحبهم … خلونا ناخذ جوله في هالمركز … هيا بنا ..

london2007_114

وعندهم بعد مفرحات ارسناللانيه >>> انطقها صح

london2007_115

هذا الحلاو .. تاكل منه 5 حبات بعد صلاه المغرب .. تصير تشوت الكوره بقوه .. امزح …
وعندهم ديزاين لغرفه نوم .. اللي مرررره الارسنال يمشي في دمه .. يشتريها …

london2007_113

ما انسدحت عليه ابد 
وهذه زاويه ثانيه …

london2007_105

وهذه اشياء للبيبي .. مرررره تجنن وكيوت … 

london2007_126

يا قلبوووو 
وهذا قسم للبنوتات … 

london2007_116

روب الحمام هذا .. ناعم بشكل .. فظييييييع … بعدها اخذت جوله .. وشريت بعض الاشياء … بعدها شريت التيشيرت الخاص المعتمد من قبل النادي …

london2007_132

كان سعر التيشيرت مع الرقم … تقريبا 40 باوند .. يعني تقريبا 300 ريال للتيشيرت الواحد …

london2007_106

بعد كيذا .. قلت بحط رقم واسمي فوق .. يعني اللعيبه اخير مني … … المهم يوم رحت احط الرقم .. شوف معاي هالصوره ..

london2007_107

هنا تختار شكل كيف راح يطلع اسمك والرقم .. واللون اللي تبيه … والمهم من اللي يشتغلون هنا .. بنت .. هالبنت جلست تدور حروفي ورقمي وكيذا يعني .. قلت خلنا نسولف معها لين تخلص … قلت شكلك تشبهين هنري .. اوووووووم الخشه في العين … يا عيني على الاسلوب .. قالت ايه انا اخته … قلت اوووما اخته … قالت ايه انا اخته .. وقبل ما يترك النادي ويروح لبرشلونه .. توسط لي وتوظفت هنا … .. 
انا صراحه انصدمت .. وسكتت … واصابني الهذول .. لا مو الهذول .. البذول .. لالالالا مهيب ذي .. اصابني الذهول .. ايه هذه .. المهم خليتها تشوف شغلها ..المهم تركتها تصلح رقمي والاسم …
london2007_108

اشوفها تبتسم على خفيف .. اطالع اذنيها .. لا يكون حاطه رادو والا شي .. برضو مافيه شي .. … قلت بسم الله الرحمن الرحيم.. لا يكون فيها شي بس .. عاد يقولون الجني الانجليزي ما يطلع مثل الجني حقنا بخبيتي والا سامري .. لالالالالالالا .. الجني البريطاني يبي لك تجيب استريو كبيررررر .. مثل حقين الشرقيه اول اذا راحو الهافمون قبل 3443232 سنه … يبي لك تجيب استريو كبيررر .. وتشغل لها راب … وتطول عليه .. لييييييين يطلع الجني .. كأني مسكت خط … 
المهم وهي تبتسم … يوم خلصت التيشيرت وكيذا … عطتنيه .. بعدين قالت .. تراني امزح معك قبل شوي … هي قالت امزح .. انا جلست اتلفت حولي .. ادور شي ألفعها فيه … التفت يمين . والاقي كوره اصليه مدري بكم .. جلست اقول في نفسي .. ياليت من شاتها في جبهتك .. وخلتها تديور على صدرك … .. عاد كانت الكوره مره قاسيه . يعني منفوخه .. وهذه كانت جبهتها تسطع من الفازلين .. يعني راح تكون الشوته أليمه .. قلت ياولد اقطع الشر .. وامش احسن لك ..  اشوى انك خفت من هالعبد اللي جنبها .. يكويك مع التيشيرتات اللي يكويها ..

بعدها طلعت من النادي .. ورحت اريح شوي في الفندق .. وهذه صور من التيشيرت ..

london2007_131

اصلي اصلي .. حق اليوم … وهذه صوره ثانيه …

london2007_133

طبعا الرقم اخترت 07 … معناها 2007 … كل ما زرت نادي .. اختار الرقم على السنه اللي رحت فيها .. قبل رحت لنادي مانشستريونايتد .. عام 2006 … وهذا كان تيشيرته ..

ch3_50

بس ارتحت في تيشيرت الارسنال اكثر والله .. طبعا … مثل العاده .. ما نخليكم تطلعون كيذا لا عطيناكم شي ولا شي … هذا كادبوري … قرب شوي … ايه قرب ابيك شوي …

london2007_141

هذا اول ما تشتريه … حطه شوي في الثلاجه عشان يبرد .. مو تخليه وقت كثير .. لالالالالالا .. خله شوي بس .. عشان ما تجمد الشوكولاته … بعدها اطبق الجهه اليمين على الجهه اليسار .. ويطلع معك ..

london2007_130

يالله يالله .. عمبيجنن … وهات ملعقتك .. واستمتـــــع ..وتذكر ان أحلى .. واحسن .. واروع شي في الوجود .. هو الاستمتاااااااااااع 

الى هنا يا حلوين .. نكون وصلنا لنهايه الحلقة الخامسه … اتمنى من كل قلبي .. انك تكون انبسطت ..

رابط الموضوع الأصلى : http://www.abunawaf.com/post-6679.html

اكواخ زيلامسي الخشبية   دليل فنادق انترلاكن المميزة  شقق و فنادق سالزبورغ  فنادق وسط فرانكفورت  اجمل فنادق انسي  فنادق الغابة السوداء  فنادق و شقق فيينا  افضل 10 فنادق بميونخ  شقق و فنادق اقليم تيرول  موسوعة السكن في كابرون  جميع مواضيع السكن

الوسوم