التقارير

رحلة إلى لندن – الجزء الثانى

السلام عليكم ورحمة الله وبركاته

خلونا الحين نبدا في الحلقه الثانيه  ……
هيا بنا …

اليوم الثاني … بعد ما قمت وكذا … صلحت ذاك الكوفي اللي يحبه قلبك … 
بعد ما تحممت ولبست وكذا … قلت بروح للكوفي اللي احبه … بروق هناك شوي .. واشوف خطتنا لهذا اليوم …

رحت لكوفي PRET هذا الكوفي اللي في الزاويه جنب فندق الكمبيرلاند … احب اجلس فوق في الزاويه … وقبل ما اروح له … قلت بمر على فندق الكمبيرلاند .. بشوفه بس .. وادخل الفندق .. كأني داااااااخل فندق في دبي … كولوه خليجين ما شاء الله … قلت الحمد لله اني ما حجزت فيه

جلست في الكوفي … وطلعت خريطتي …

london2007_65

هذه خريطه مره حلوه .. فيها الاماكن السياحيه … عشان تعرف الميترو اللي يوصلك لها … طبعا انا محطتي هي البادنقتون .. شوفها معي ع الخريطه

london2007_66

بعد ما روقت وكذا .. قلت اليوم بختار مكانين … راح ازورها ان شاء الله .. اول مكان هو ..

SCIENCE MUSEUM

london2007_67

وهذه خريطته لو احد يبي يروح له …

mapdata1

وهذا موقعهم على الانترنت ..هــــنا 
هذا متحف .. فيه طيارات قديييييمه .. ويشرحون لك كيف كانت تشتغل .. وكيف مكاينها والامور اللي كذا … وجوا هالمتحف .. فيه سينما … انا ما رحت الا عشان هالسينما … السينما هي ..

IMAX 3D Cinema

london2007_75

وهذا موقعهم على الانترنت ..هنـــــا 

هالسينما وش قصتها …!! السينما هذه تعرض بعض الافلام الوثائقيه .. لكن بطريقه الثري دي … وتشوف الاجسام قدامك كبيرررررره .. كأنها تبي تصدمك ..

sharks3d-788122

اول شي .. وقفت عند اللي يقصون التكت … واخذت لي تذكره .. وحجزت لي فلم …

بعدها يجيك عامل من عمالهم .. ويمسك يدك .. ويوديك لمدخل السينما … اول ما توصل الباب .. يعطونك نظاره خاصه .. مثل هالخال اللي لابسه

IMAXGroupVisits

بعدين تجلس .. وتستمتع …

london2007_76

جلست وشفت فلم وثائقي عن اعماااااق البحار … يعني كأنك تعيش تحت المااااااااء … وتشوف القرش يشطفك وانت ما تدري…. صراحه السينما حلوه .. لكن احلى للي معه اطفال .. لأنهم راح يستمتعون فيها أكثر ..

بعد الفلم .. طلعت اتمشى في المتحف اللي تحت ..

london2007_68

واخذت لي جوله …

london2007_70

وبرضو .. يعرضون .. سيارات قدييييييمه مره … ايام هتلر والعيال ذليك>>> نصبه تمشي مليون
شوفو معي السيارات …

london2007_72

وهذه اللي كأنها كبسوله … 

london2007_73

وهنا صافين السيارات فوق بعض … يعنني حركه …

london2007_74


وهذا طرف قطار … او نقول بقااااااايا قطار …

london2007_71

وهذه صوره من اعلى المتحف … اخذتها قبل ما امشي …

london2007_77

بعد كذا … قلت يالله يا أبو …>>> يكلم نفسه
قلت بروح لمكان اتغدا فيه .. طيب وش تبي تتغدا !! … قلت بتغدا شوكولاته … حبيبه ألبي .. الشوكولاته … طيب وين ارووووووح .. طبعا اروح لهااااااارودز … ( قلوب من هنا لجبهة محمد اللي قدامي ) …
اخذت الاندرقراوند .. ورحت لهارودز …

وهذه خريطه موقعه

mapdata

اللي ما يعرف وشو الهارودز .. هذا مثل المبنى الكبيرررررر … الظاهر 6 ادوار .. صاحبه هو ولد الفايد .. المصري الاصل .. البريطاني الجنسيه … المبنى هذا فيه كلش … يعني دور فيه ملابس نسائيه .. ودور فيه شوكولاته .. ودور فيه ادوات رياضيه … يعني مشكل … بس روعه صراحه …

وهذا موقعهم على الانترنت .. اللي يبي يقرا كثير عن هالصرررح الشامخ …
هونـــــــــــــ

المهم وصلت ودخلت .. اول ما تتدخل طبعا تشوف هالمجسم ..

london2007_82

يعنني هالمصري تراني ما نسيت مصر .. ايه صدقتك ..


بعد ما اخذت لفه .. رحت للقسم الرياضي … اعجبني جهاز .. مررررررررره فله … شوفوه معي 

london2007_80

هذا الجهاز وشو !! … هذا يصلح للي عندهم بحر ….. ( ليش ما عندنا بحر  ) … المهم هذا الجهاز .. تنسدح فوقه … ويطيرررررررر بك … احسه مرررره وانسه صراحه … لو فيه مكان في شقتي كان شريته …

بعد كذا قلت بروح للقسم المفضل .. وهو قسم الشوكولاته … 

london2007_78

ويااااااااااااليل خبرني .. عن امر الكاكاو .. ياليل خبرني

london2007_79

واتربع قدام هالقزازه … واجلس اختاااااااااااار .. واختااااااااااار … والبنت اللي تخدمك بس تعبي في هالكراتين .. وانا اقول هاتي ثنتين من هنا .. وثلاث من هنا .. واربع من هنا … ومافيه الا شغل…


المهم اخذت كم كرتون .. وبعضها غلفتها عشان نهديها هدايا للي نحوبهم..

london2007_83

بعدها طلعت .. ورحت الفندق اريح شوي …
اليوم يا حلوين ننتهي من حلقه اليوم … ما حبيت من ثاني يوم اروح اماكن بعيده … قلت اخليها في الايام الجايه …
قبل ما تمشي يا حلو .. خذ لك هالكريمه .. بالمره هلوه …

london2007_10


واشوفكم في الحلقه الثالثه ان شاء الله …

رابط الموضوع الأصلى : http://www.abunawaf.com/post-6529.html

الوسوم

هل لديك تعليق على الموضوع ؟

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.