التقارير

رحلة إلى لندن – الجزء الثالث

السلام عليكم ورحمة الله وبركاته

نكمل اليوم معاكم حلقات رحلتي الى لندن …

اليوم اول ما صحيت الصباح … بعد الصلاه والترويشه … والكوفي طبعا … قررت اني اروح مشوارين …
المشوار الأول … اني اروح احجز قطار باريس … لأني بعد كم يوم راح اسافر باريس … والمشوار الثاني .. انه ودي اروح للبيكادلي .. بروح اتمشى هناك …
نجي اول شي للسفر من لندن الى باريس عن طريق القطار … ما راح اتكلم كثير في هذه النقطه … لأني بفصفصها كثير في أول حلقه عن باريس الساحره … لكن بس بتكلم عن كيفيه حجز القطار من لندن …
للسفر من لندن إلى باريس … ممكن 3 طرق … يا أنك تروح بالطياره … او تروح بقطار اليوروستار.. أو على رجليك 
الطريقه الأولى .. عادي تروح تحجز أي خطوط طيران … الطريقه الثانيه بشرحها بعد شوي .. الطريقه الثالثه .. هذا وجهي اذا وصلت …

……. Eurostar …….

هذه شركه قطارات دوليه … لهذا اكثر من وجهه واكثر من محطه … من المحطات اللي تربطها … هو الربط بين بريطانيا وبين فرنسا … او بالاصح … بين لندن وباريس …

eurostar

جلست شوي في لوبي الفندق .. قلت بشيك على اني احجز عن طريق الانترنت … فتحت لابتوبي .. واجلس ادور شبكات وايرلس … شوفو وش لقيت

london2007_39

كل هذه شبكااااااااااات .. يا عيني بس … تحيه وسلام .. لشركه الانفصالات السعوديه … ولا تهون موبايلي<< لا هنت … خشمك …..
دخلت موقع الشركه اللي هو …هنــــا …. 
ابد اول ما دخلت الموقع … لقيته سهل جدا .. فيه انك تقدر تحدد وجهتك وتحجز وتدفع عن طريق البطاقه .. وصلى الله وبارك … شوف معي ياحلو …

eu

ابد .. هنا تدخل كل المعلومات .. وهو بيطلع لك كل اللي تبي …
انا قلت بروح لهم بنفسي… يعني بروح احجز من المكتب … منها اول شي اعرف المحطه لأن المكتب في نفس المحطه اللي تنطلق منها القطارات … ومنها اشوف الامور عن كثب .. ( قويه كثب .. هذا وانا لسى صاحي ) …

طيب … كيف نوصل للمحطه اللي فيها اليوروستار !! …

شوف حبيبي … عشان تحجز او عشان تسافر من لندن الى باريس … لازم تروح لمحطه اسمهاlondon waterloo station … هذه المحطه اللي تطلع منها القطارات .. وفيها المكتب اللي ممكن تقص منه …

طيب وين موقعها على الخريطه … بوص معايا ياباشا …

eu_map

شفت هاللي يأشر … هذه هي المحطه … ممكن أي اندرقراوند يوصلك هناك …
المهم رحت هناك .. وقصيت تذكره الذهاب الى باريس .. قلت بقصها قبل الرحله بكم يوم … أأمن لي
وهذه صوره التذكره 

london2007_25

قصيت ذهاب فقط … بسعر 154 باوند … يعني تقريبا 1150 ريال سعودي …

بعد ما قصيت التذكره … وأطمأن قلبي.. قلت بروح المشوار الثاني .. للبيكادلي .. بروح أتمشى فيها … 
قلت قبل ما اروح للبيكادلي … بشتري كتاب موصى عليه … و باكل لي شي بسيط … 

london2007_26

الكتاب هذا قصه مره حلوه … عن واحد مضيعن امه … وجلس طووووول عمره يدورها … واخر شي الظاهر انه لقاها … لأني ما وصلت اخر الكتاب …بس حلو الكتاب .. انصح فيه ..
بعد ما قريت لي شوي .. وروقنا على هالشوكولاته … قلت يالله نروح لساحه البيكادلي …
البيكادلي هذه ساحه كبيره .. او منطقه .. كلها خرشه … يعني .. سينمار .. اسواق .. مطاعم .. ناس رايحه .. وناس جايه .. وناس موش عارفه هيا بتعمل ايه …
خلونا ناخذ جوله بالصور في ساحه البيكادلي … اوكي !!!

london2007_421

وهذه بعض المطاعم في الساحه

london2007_41

وهذه برضو

london2007_34

اشتقت لك يا لندن .. اشتقت لكل شي فيك … اشتقت احط الايبود .. واروح امشي في شوارعك .. لا تفكير .. ولا هموم .. ولا شي

london2007_40

عالم هاااااااااااديه .. عالم مرووووووقه .. عالم تفتح النفس بإبتسامتها …

london2007_30

وهذا الحي الصيني .. انوااااااع المشاكل .. لا تدخله لحالك ..

london2007_29


بعد ما تمشيت وسعت صدري في ساحه البيكادلي … مسكت معي على شي ابي اكله .. مسكت مسكت … تعرف وشلون لما تمسك مع واحد على شي … .. خلاص ابي هالشي والا ما راح اكملههههههههههههههه وش اكمل بعد انا …
وش مسكت عليه تتوقع !! … مسكت على رمان … والله جد لا تضحك .. مسكت على رمان.. حتى وهي ماسكه معي .. جالس اقول لنفسي .. الله يستر يالمايسترو على هالمسكه ..
 رحت ادور لي رمان .. لييييين حصلت لي …
رمان احمر .. وبارد .. وطعمه عسل مثلك … شوفوه معي …

london2007_27

رابط الموضوع الأصلى : http://www.abunawaf.com/post-6566.html

الوسوم